Déi eege finanziell Situatioun erlabt et net ëmmer, sech déi neiste Wuer unzeschafen. Dat muss och net sinn, well et ass déi méi nohalteg Alternativ, Occasiouns-Miwwelen, -Haushaltsapparater a soss Géigestänn weider ze benotzen.Wann ee geplënnert ass, feelt et oft um néidege Klenggeld, fir sech direkt komplett anzeriichten – mir erméiglechen Iech eng komplett Ausstattung zu bezuelbare, soziale Präisser.
An eisem Floumaart a Second-Hand-Shop hu mir vill flott Stécker gesammelt, déi op e neie Proprietär waarden. Egal ob Miwwel, Kichegeschier, Luuchten, Elektroapparater, Kristallwuer – maacht Iech op d’Sich, fir bei eis Stécker fir e klenge Präis ze fannen, un deenen Dir nach laang Freed wäert hunn. Op Wonsch liwwere mir Iech Ären Akaf och direkt bei Iech heem. Schwätzt eis einfach drop un.
